Kataluniako Hauteskundeak 2024 -

Inkesta

Independentismoak aise irabaziko du, inkesten arabera

Junts Pel Sik eta CUPek erraz gaindituko dute gehiengo osoa eserlekutan, eta bototan oso gertu geratuko da.

D.P. / I.G. | eitb.eus

Whatsapp Facebook Twitter Telegram Email

Independentziaren aldeko indarrak igande honetako hauteskundeen garaileak izan dira, Junts Pel Sik eta CUPek bat eginda gehiengo osoaren muga gaindituko bailukete eserlekuei dagokienez, eta ia botoetan ere. Zehatz-mehatz, bi zerrendek 74-77 eserleku eta botoen % 49,8 lortuko lituzkete, TNS Demoscopiak Fortarentzat egindako inkestaren arabera.

Indar bozkatuena CDCk eta ERCk sustatutako zerrenda izango litzateke, baina CUPekin bat egin beharko luke gehiengo osoa eskuratzeko. Hain zuzen ere, 63-66 diputatu lortuko ditu, eta botoen % 40,7.

Bigarren lekua Ciutadansek lortuko luke, 19-21 eserlekurekin eta bozen % 15,4rekin. Gainera, PSCk hirugarren postua hartuko luke, 14-16 diputaturekin eta botoen % 12rekin. Unio Kataluniako Parlamentuan sartuko litzateke, independentziaren helburua baztertu eta CiUrekin batasuna hautsi ondoren.

Parlamentua horrela geratuko litzateke:

- Junts Pel Sí: 63-66 eserleku eta botoen % 40,7

- Ciutadans: 19-21 eserleku eta botoen % 15,4

- PSC: 14-16 eserleku eta botoen % 12

- Sí que es Pot: 12-13 eta botoen % 10,4

- CUP: 11-13 eserleku eta botoen % 9,1

- PP: 9-11 eserleku eta botoen  7,7

- Unio: 3 eserleku eta botoen % 2,9

201 hauteslekutan 30.150 pertsonari galdetuz egin dute inkesta.

Hau zure interesekoa bada, baliteke beste gai hauek ere izatea
Katalunia Kataluniako hauteskundeak