Iñigo Manterolaren “Mugimendua Itsas Zabalean” margolanaren enkantea

Artista Zarauztarrak ZarautzOn, irabazi-asmorik gabeko elkarteari, dohaintzan eman dio “Mugimendua Itsas Zabalean” izeneko bere lana, enkantean atera eta dirua lor dezan antolatzen dituzten zientzia eta teknologia ekiminei jarraipena eman ahal izateko. Iñigo Manterola (1977, Orio) Arte Ederretan lizentziatua da eta gainera, artista entzutetsua da. Izan ere, zenbait sari jaso ditu eta erakustaldi pertsonalak ditu AEB-n, Mexikon, Frantzian, Monakon, etab. Koadroaren prezioa merkatuan 2.150€-koa da eta margolairak erabilitako teknika “Mistoa/Tablex" (2009)da, neurriak 80 x 60 zm-koak delarik.

ZarautzOn-ek eskaintzen du koadroa salmentan, enkante motan, nola bertan, prezio handiena eskaintzen duen erosleak koadroa lortzeko aukera izango du. Kontutan izan behar da eskaintzaren gutxieneko prezioa 500€ izango dela.

Zarauzko Notariotzan jasoko dira gutun-azal itxiak  maiatzak 22a arte, ostirala. Hauen irekiera notariotza bertan egingo da, eskaintza altuena egiten duena izango delarik adjudikaziodun. Eskaintzetan berdinketa izango balitz notariotza bertan egingo litzateke zozketa. Notariotzaren helbidea hauxe da: Foruen Kalea 2-1ª, 20800, Zarautz; eta ordutegia berriz 9:00tik 14:00ra eta 16:00-18:00ra.

Margolana Urkia Etxean (Kale Nagusia, 26) dago erakusgai, bertan ere izango dira gutun-azalak interesatuek eskaintzak egin ahal izateko. Enkantearen irabazleak, eskaintzaren dirua ZarautzOn Elkartearen kontu korrentean sartu beharko du, Laboral Kutxa, ES42-3035-0029-62-0290092008, 2015ko Ekainak 8a (barne) baino lehen.