Parisko goi-bilerak, emaitza historikoa?

Abenduan Parisen klima aldaketa aztertzeko egin zen konferentzian (COP21), hainbat analistaren ustez arrakasta historikoa den adostasuna lortu zuten 195 herrialdek, 2020tik aurrera munduko klimaren gidalerroen arauak finkatzeko orduan oso garrantzitsua dela uste baitute. Beste batzuen ustez, berriz, ez zen aurrerapauso garrantzitsurik eman. Zein izan dira akordio honen gakoak? Zergatik daude hain interpretazio desberdinak itun beraren inguruan?

Ibon Galarraga Basque Centre for Climate Change (BC3) zentroko ikertzailea Zientziatekan egon da.

Zientziateka hilean behin UPV/EHUren Kultura Zientifikoko Katedrak eta Azkuna Zentroak puri-purian dauden zientzia arloko gaiak jakitera emateko antolatzen duten ekimena da.