Herriak eta Hiriak
Donostia
Igeldok tirolina zirkuitu bat har lezake uda aurretik
Agentziak | Erredakzioa
Donostiako Udalak Igeldon tirolina bidezko atrakzio berri bat izateko hasiera plana onartu du.
-
Igeldo. Argazkia: Juan Luis Albaizar
Donostiako Tokiko Gobernu Batzordeak hasierako onarpena eman die El Pilar Klinikako eremuaren eta Igeldoko lur-sail bat babesteko plan bereziei. Donostiako alkate Eneko Goiak adierazi duenez, "lehengo plan bereziari esker 52 etxebizitza eraikiko dira - erdia babes ofizialekoak - eta, bigarrenak, ahalbidetuko du tirolinen atrakzio berria jartzea".
Igeldoko Alaia Erretegiaren atzean dagoen landa lur-saila arautzeko plan bereziaren helburua honakoa da: Atrakzio Parkean atrakzio berri bat jartzea. Eta hain zuzen ere, tirolinen atrakzioa izango da.
Bertan, parte-hartzaileek maila baxu eta ertaineko aisialdi-ibilbide bat egin ahal izango dute, euren trebezia eta oreka trebatuz.
Tirolinak zuhaitzetara lotuta egongo dira zuhaitzak kaltetu gabe, eta segurtasun sistema bat izango dute parte-hartzaileak babesteko. Hortaz, abentura zirkuituak osatuko dira eta, beraz, atrakzioa nobedadea izango da Igeldo Atrakzio Parkean.
