3txulo
Egunero, ETB3n
Bisita xelebreak eta gorabehera ugari, aste honetan, 3TXULOn!
Aste honetan ere, egoera bitxi eta abentura ugari ekarriko dizkigute 3TXULOtarrek, astelehenetik ostiralera, ETB3n.
2ttor, 4ra, 6khan, Izeba Kattalin, Gorritxo, Sasi eta Laino gure lagunek bisita bereziak eta gorabehera ugari izango dituzte aste honetan ere '3TXULO'n, eta honako galdera honi bueltaka ibiliko dira: nor izango ote da gure etorkizuneko lehendakaria?
3TXULOtarren etxean egoera bitxi ugari izaten dituztenez, aste honetan arrautzek izango dute zeresana; baina, ez edozelako arrautzek; dinosauroenak izango dira!
Gainera, musikaren inguruan hainbat kontu ikasiko ditugu; kontzertuetan erabiltzen den batuta lehenengo aldiz noiz erabili zen, esaterako.
3TXULOtarren etxe zoroan, hainbat lagunentzako eta abenturarako lekua izaten denez, bisita xelebreak, txantxak eta gaizki-ulertuak ez dira faltako aste honetan ere '3TXULO'n, astelehenetik ostiralera, 08:00etan, 13:45ean eta 19:30ean, ETB3n.