3kluba
AURRESTREINALDIA
Aurrestreinaldi baterako gonbidapenak ditugu!
hiru3
Dixie eta matxinada zonbia pelikula ikusteko 100 gonbidapen ditugu bazkideen artean banatzeko.
-
"Dixie eta matxinada zonbia" filmaren kartela
Kaixo, laguntxook!!
Albiste pozgarriekin gatozkizue, baina azkar-azkar ibili beharko duzue oraingo honetan.
Larunbatean, azaroaren 1ean, Halloween garaiarekin bat egin nahirik, film ikaragarria estreinatuko dugu Bilboko Alondegian (Arrikibar plaza, 4), 16:30ean: Dixie eta matxinada zonbia, hain zuzen ere.
Estreinaldi mundial hori dela-eta hainbat sarrera ditugu banatzeko bazkideon artean, 100 guztira. Sarrerak lortu nahi badituzue, egin behar duzuen gauza bakarra zera da: hiru3@eitb.com helbide elektronikora idatzi eta adierazi zenbat sarrera nahi dituzuen (gehienez lau eskatu ahalko dira bazkide bakoitzeko). Mezuak jaso ahala banatuko ditugu sarrerak.
Mezu horretan bertan, bazkidearen izena, bazkide-zenbakia, berarekin batera joango diren lagunen izena eta harremanetarako helbide elektronikoa ere zehaztu beharko dira. Sarreren irabazleek baieztapen mezua jasoko dute.
Mezuak jasotzeko epea ostiralean, 9:00etan, bukatuko da, aurretik sarrerak agortu ez bazaizkigu.
Oraindik bazkide ez direnentzat, hemen duzue bazkide egiteko bete eta bidali behar diguzuen inprimakia.
Zorte on!!