3kluba
ETB3
Abenduko zubia programazio bereziarekin dator ETB3ra
EITB.EUS
Abenduaren 6tik 9ra Gabon ukituko filmak ikusi ahal izango dira, 15:30etik aurrera, eta '3txulo' saioa 09:30etan eta 14:00etan izango da ikusgai.
ETB3k programazio berezia prestatu du abenduaren 6, 7, 8 eta 9rako. Izan ere, ume eta gaztetxo askok opor egunak eta “zubiak” izango dituzte egun horietan.
Horrela, bada, abenduaren 6tik 9ra bitartean “3TXULO saioa 09:30etan eta 14:00etan izango da ikusgai, asteburuetako ordutegian, alegia. Tarte horien ondotik, ‘Zuhaitz etxeko istorioak’ ipuinetan oinarritutako marrazki bizidunak izango dira nagusi etxeko txikienentzat.
Horrez gain, 15:30etatik aurrera honako pelikula hauek izango dira ikusgai:
- Abenduak 6: ‘Jelly T’ eta ‘Olentzero eta iratxoen jauntxoa’
- Abenduak 7: ‘Yugo eta Lala’ eta ‘Olentzero eta amilaren sekretua’
- Abenduak 8: ‘Doraemon gladiadorea’ eta ‘Olentzero eta Gabonetako ipuina’
- Abenduak 9: ‘Pixi post eta opari emaileak’ eta ‘Olentzero eta subillaren lapurreta’