Ane Alcobak irabazi du urtarrileko opari sorta, 3 klubera kide berriak ekartzeagatik

Urtarrilean bazkide egin direnen eta klubera kide berriak ekarri dituztenen artean, 3 klubeko opari sorta zozkatu dugu, eta Ane Alcoba izan da irabazlea. Gure kamiseta eta diskoa, itsulapikoa eta beste hainbat opari jasoko ditu Anek. Zorionak!

Halaber, hilero egingo dugu 3 klubeko opari sorta baten zozketa. Ondorioz, otsailean zehar 3 klubeko kide eginez gero, hurrengo zozketan hartuko duzu parte.

Bazkide direnek zozketan parte hartzeko aukera

Gainera, lehendik kide direnek ere izango dute zozketan parte hartzeko aukera, 3 klubera kide berri bat ekarrita. Horretarako, kide berriaren datuak kide egin orrian betetzerakoan, bere kide zenbakia sartu beharko du horretarako prestatuta dagoen atalean.

Gogoan izan bazkide egitea doakoa dela. Horretarako, gure webgunean daukagun formularioa bete behar duzu. Abantailak besterik ez du: leku zehatz batzuetarako eta PortAventurarako sarrera bat doan jasoko duzu, helduentzako sarrera bat erosita; zure urtebetetze egunean zoriondu egingo zaitugu ETB3n eta webgunean; antolatzen ditugun zozketetan parte hartzeko aukera izango duzu…

Animatu! Egin zaitez 3 klubeko kide!