Bidali galleten argazkia eta irabazi "3 Ene Kantak" saioaren kamiseta!

"Argiren erronka" lehiaketa jarri du martxan 3 klubak, eta klubeko bazkideak lanean jarriko ditugu! "3 Ene Kantak" saioaren "Zuk zeuk egin" atalean, besteak beste, eskulanak, esperimentuak eta marrazkiak egongo dira astero. Argi ostiralero saiatuko da jarduera egiten, eta egun horretan bertan, erronka egingo dizu aste horretako zeregina hobetu dezazun.

Aste honetan, sukaldaritza erronka onartu beharko duzu. Itsasnek galletazko hartz piruletak prestatu ditu "Zuk zeuk egin" atalean, eta Argi ere saiatu da opilak egiten. Nola atera ote zaizkio?

Argik erronka bota dizu, eta orain zure txanda da! Itsasneren errezetaren bideoan dituzu osagaien zerrenda eta jarraitu beharreko pausoak. Egin zure galletak eta atera argazkia. Ondoren, "3 Ene Kantak" atariko "Bereziak" orrira jo; hor izango duzu zeuk egindakoaren argazkia igotzeko aukera. Parte hartzen duzuen guztien artean, "3 Ene Kantak" saioaren kamiseta zozkatuko dugu astero. Animatu eta parte hartu!

Gogoratu parte hartzeko beharrezkoa dela 3 klubeko kide izatea. Oraindik ez bazara bazkide, egon lasai, oso erraza da eta! Kideentzako guneko "kide egin" atalean sartu, eta bertan eskatzen dizkizuten datuak eman behar dituzu.

Irailak 24 asteko erronkaren irabazlea

Joan den astean arrautzaren esperimentuaren erronka jo zuen Argik. 3 klubeko kideek onartu dute erronka, eta parte hartu duten guztien artean "3 Ene Kantak" saioaren kamiseta zozkatu dugu. Izaro Etxebarrietak irabazi du. Zorionak!