Nola ulertu genuen Halley kometa bat dela?

Kristina Zuza astronomoa eta Alvaro Aragon historialariak lagundu digute bidaia berezi batean: Zazpi mende Halley kometarekin. Itun Zaharrean ere azaltzen da, eta Alvarok ekarri zuen horren berri.

Baina gure bidaia nagusia 1066. urtean abiatu da, normandoak Ingalaterra konkistatzeko prestatzen ari zirenean, eta 1759. urtera iritsi da, Edmund Halley astronomoaren iragarpena bete egin zen urtera, hau da, urte horietan aspaldiko kometa bat berriz ikusiko zutela bete zen urtera.

Tartean, kometaren agerraldiak, batailak, konkistak, heriotzak eta beste hainbat gertaera iragartzen zituela pentsatu zuten askok. Eta beste gutxi batzuk saiatu ziren astro berezi hori ulertzen. Aipagarriena, jakina, Halley bera.

"Norteko Ferrokarrila" programaren saio berezia egin dugu, monografikoa, historiaren zati horretaz hitz egiteko.