Euskadi Irratia
Zozketa
Euskadi Irratiak Mikel Landaren omenezko maillotak zozkatuko ditu
Euskadi Irratia
EiTB
Euskal Herriko Itzuliko entzuleen artean, Siscu Simonek Euskadi Irratirako diseinatutako maillot esklusiboak zozkatuko ditu irratiko kiroletako lantaldeak.
Mikel Landa txirrindulariak irabazi zuen iaz urteko kirolari onenaren saria Euskadi Irratian. Zuiako txirrindularia omendu nahian, Euskadi Irratiak zozketa berezia jarriko du martxan aurtengo Euskal Herriko Itzulian. Siscu Simonek diseinatutako maillot esklusiboak zozkatuko ditu kiroletako lantaldeak, aste osoko entzuleen artean. Egunero, bi maillot zozkatuko ditugu Euskadi Irratian. Maillota eskuratu nahi izanez gero, bidali whatsappa 688666000ra.
Jarraipen berezia
Euskal Herriko Itzulia ate-joka dugun honetan, irratiko kiroletako lantaldea prest dago. Joxe Mari Apaolaza, Arritxu Iribar, Kepa Iribar, Txomin Perurena, Mikel Astarloza, Edu Arana eta Igor Martinez de Lezea izango dira Lizarran hasi eta Zornotzan bukatuko den lasterketaren berri emateko arduradunak.
