Euskadi Irratia
Igandean
Familiaren kontzeptuaz hausnartzen, igandeko 'Zubiak'en
B.F.
EiTB
Adopzioa, harrera familiak, belaunaldi ezberdinen ikuspegiak... izango dituzte aztergai Alaia Martinek eta Artzen Letonak igandeko 'Zubiak' saioan.
France Blue Pays Basque Iparraldeko irrati katea eta Euskadi Irratiak elkarlanean egiten duten 'Zubiak' saioaren laugarren atala izango da entzungai igande honetan.
Familia izango da hirugarren saio honetako protagonista. Azken urteotan, familiaren kontzeptuak bilakaera esanguratsua izan du. Horregatik, Alaia Martinek eta Artzen Letonak mota askotako familiak ezagutuko dituzte igande honetan.
Besteak beste, harrera familiak eta adopzioa izango dituzte hizpide Haizea Garcia eta Aguer familiarekin. Horrez gain, Xabier Elosegi Sara, etxeak eta deiturak lau mendez liburuaz arituko da.
Bukatzeko, Karmele, Haizea, Katixa eta Aran ezagutuko ditugu. Familia bereko hiru belaunalditako kideek, jolas gisa, hitz berak definituko dituzte.
Saioa igandean izango da entzungai, Euskadi Irratian, 15:00etatik aurrera. France Blue Pays Basquen, aldiz, larunbatean izango da entzungai, 12:00etatik aurrera.
rrera.