Euskadi Irratia
Azaroak 27
Heriotza izango da igandeko 'Zubiak' saioaren ardatza
G.U.
EiTB
Mikel Lizarralde mediuma, Iñaki Peña medikua eta Rosa Maria Irungo elkarte errepublikarreko kidea izango dira gonbidatu nagusiak.
Heriotza izango dute hizpide Alaia Martinek eta Artzen Letonak igande honetako 'Zubiak' saioan. France Bleu Pays Basque Iparraldeko irrati kateak eta Euskadi Irratiak elkarlanean egiten duten saioaren hamabigarren atala izango da entzungai azaroaren 27an, 15:00etan.
Bizitzatik heriotzera dagoen zubiaz hitz egiteko, Iñaki Peña medikuarengana joko dugu. Aulki Hutsak proiektuaren berri emango digu, eta heriotza onartzeaz arituko zaigu. Bestalde, Rosa Maria Irungo elkarte errepublikarreko kideak hileta zibilez eta memoria historikoaz hitz egingo digu. Gainera, Urdiñarben izango gara eliza atari batean dagoen zubiaz hitz egiteko. Azkenik, Mikel Lizarralde medium urretxuarra elkarrizketatuko dugu, bizitza osteko bizitzaz duen ikuspegiaz jarduteko.
Igande arratsaldean, entzun 'Zubiak' saioa, Euskadi Irratian.
atian.