Euskadi Irratia
Abenduak 4
Burdinak josiko du igandeko 'Zubiak' saioa
G.U.
EiTB
Gai horri helduta, Alaia Martinek eta Artzen Letonak Beñat Axiari elkarrizketatuko dute, Bankako burdinolan eta Zangozan izango dira, eta Ainara medikuarekin ariko dira burdina faltaz.
Burdina izango da igande honetako 'Zubiak' saioaren ardatza. France Bleu Pays Basque Iparraldeko irrati kateak eta Euskadi Irratiak elkarlanean egiten duten saioaren hamahirugarren atala izango da entzungai abenduaren 4an, 15:00etan.
Burdinaren gaiari helduta, Beñat Axiari musikaria izango da elkarrizketatu nagusia. Burdingintzan egin zuen bere lehen lana, eta bere musika-tresnetariko batzuk metalezkoak dira. Bestalde, Alaia Martin eta Artzen Letona Bankako burdinolan izango dira, eta Zangozako burdinazko zubia aztertuko dute. Gainera, Ainara medikuarekin egongo dira, burdina faltaz hitz egiteko, odoleko burdina faltaz, alegia.
Igande arratsaldean, entzun 'Zubiak' saioa, Euskadi Irratian.
atian.