Euskadi Irratia
Igandean
Usaimenaren haritik eraikiko dugu asteburuan 'Zubiak' saioa
ERREDAKZIOA | G.U.
Igandean, 15:00etatik 16:00etara, Artzen Letona eta Alaia Martin gidariek eta Saioa Alkaiza kolaboratzaileak usaimena izango dute hizpide.
Igande honetako 'Zubiak' saioak usaimena izango du ardatz. Sudurrak erne izango dituzte, 15:00etatik 16:00etara, Artzen Letona eta Alaia Martin gidariek eta Euskalerria irratiko Saioa Alkaiza kolaboratzaileak, France Bleu Pays Basque Iparraldeko irrati kateak eta Euskadi Irratiak elkarlanean egiten duten saioan.
Esaterako, Gartxot Unsainek bere musikarako zaletasunaz hizketan lurrinduko dizkigu belarriak. Bestalde, Eukene Larreak eta Nerea Martijak umore usaina emango diote saioari, 'Sudurkeriak' zer den azalduz. Mikel Amilibiak pottoka esnearekin xaboiak egiten ditu; Potta ezagutuko dugu bere sudurretik. Azkenik, Anizko Joxe Joakin Azkarate eta Aitor Azkarate baserritarrekin simaurraz jardungo gara.
Euskadi-Nafarroa-Akitania erakundearen diru-laguntzari esker zabaltzen dugu irrati-uhinetan 'Zubiak' saioa igande arratsaldero.
/p>
