Euskadi Irratia
Igandean
Uretan ibiliko gara asteburu honetako 'Zubiak' saioan
ERREDAKZIOA | G.U.
Igandean, 15:00etatik 16:00etara, Artzen Letona eta Alaia Martin gidariek eta Saioa Alkaiza kolaboratzaileak ura izango dute ardatz.
-
Xan Aire
Igande honetako 'Zubiak' saioa uretan murgilduko da. 15:00etatik 16:00etara, Artzen Letona eta Alaia Martin gidariek eta Euskalerria irratiko Saioa Alkaiza kolaboratzaileak uretan bustitzeko gonbita egingo digute, France Bleu Pays Basque Iparraldeko irrati kateak eta Euskadi Irratiak elkarlanean egiten duten saioan.
Hasteko, uraren onurez hitz egingo dugu Txumarirekin, eta lesio eta gaitz askoren konponbide-iturri dela azalduko digu; Xan Aire urepeldarra Baionako estudiora ekarri, eta Urepelez hizketan jarriko dugu. Gainera, Saioa tabernaz taberna ibiliko da zein ur erabiltzen duten jakin nahian, eta Legutioko urtegiaren ezaugarriez arituko gara Imanol Garaigordobilekin.
Euskadi-Nafarroa-Akitania erakundearen diru-laguntzari esker zabaltzen dugu irrati-uhinetan 'Zubiak' saioa igande arratsaldero.
