Euskadi Irratia
Igandean
Gerturatu al dituzte Olinpiar Jokoek Ipar eta Hego Korea? Erantzuna, 'Amarauna'n
ERREDAKZIOA | G.U.
Santa Ageda bezperako kantuak eta Donostiako Artzai-inudeak ez dira faltako desfilean. Goya sariak ere bai; Begoña del Tesok palmaresari buruzko bere azalpenak emango ditu.
Iñigo Lamarka Olinpiar Jokoak Ipar eta Hego Korea zenbateraino hurbildu dituzten argitzen saiatuko da igandeko 'Amarauna' saioan. Gainera, Gorka Erostarberen eskailarapeko musika Kemenena izango da aste honetan.
10:30 aldera, Santa Ageda bezperako kantuak eta Donostiako Artzai-inudeak izango ditugu desfilean, eta Goya sariak ere bai; Begoña del Tesok palmaresari buruzko bere azalpenak emango ditu, 11:30ean.
Bestalde, argi kutsaduraz jardungo dugu 11:00etan, zenbatekoa den, eta hori ekiditeko zein pauso ematen ari diren aztertuko dugu. Blogarien taldea aste honetan, Luistxo Fernandez, Maite Goñi eta Gorka Juliok osatuko dute. Eurekin gai teknologikoak eta galdera bat: zer/nor ez dago gaur egun Interneten?
