Euskadi Irratia
Igandean
Lau zenbakiaren bueltan osatuko dugu aste honetako 'Zubiak' saioa
ERREDAKZIOA | G.U.
Igandean, 15:00etatik 16:00etara, Artzen Letona eta Alaia Martin gidariek eta Saioa Alkaiza kolaboratzaileak lau zenbakia hartuko dute ardatz.
Igande honetako 'Zubiak' saioak lau zenbakia izango du protagonista. 15:00etatik 16:00etara, Artzen Letona eta Alaia Martin gidariak eta Euskalerria Irratiko Saioa Alkaiza kolaboratzailea lau zenbakiaren bueltan ibiliko dira, France Bleu Pays Basque Iparraldeko irrati kateak eta Euskadi Irratiak elkarlanean egiten duten saioan.
Hasteko, Lauroba taldeko Ane Bastida eta Iker Lauroba etorriko zaizkigu gonbidatu nagusi gisa. Gainera, Artzenek "la ruta del balacau" aitzakia hartuta, Jon Nodak eguzki plakekin musika elektronikoa nola egiten duten kontatuko digu, solar sound system bat, alegia. Saioak lau anai-arreba elkarrizketatuko ditu, lau izatearen nolakotasunen berri emateko, eta Laudion izango da Alaia Martin, Izar Mendigurenekin, herriaz, Aiaraldeaz eta berari buruz gehiago jakiteko asmoz.
Euskadi-Nafarroa-Akitania erakundearen diru-laguntzari esker zabaltzen dugu irrati-uhinetan 'Zubiak' saioa igande arratsaldero.
