Aktualitatearen iruditegiari begira, 'Amarauna' saioan

Gorka Rubio eta Jagoba Manterola Foku enpresako argazkilariekin aktualitatearen iruditeriari begiratuko diogu larunbateko 'Amarauna' saioan: Jose Couso kameralaria Iraken hil zutela 15 urte bete berritan atzerrian lanean aritzen diren berriemaleen lanean eman diren aldaketez arituko dira hizketan. Gainera, duela urtebete ETAren armagabetzearen egun hartako irudiak zein izan ziren gogoratuko ditugu haiekin.

Enekoitz Esnaola eta Bixente Vrignon kazetariekin ere armagabetzea gogoratuko dugu eta etorkizun gertukoan etor litezkeen pauso berriei bistadizoa ere emango diegu.  Patxi Huarte 'Zaldieroa'k interneten aurkitu dituen albisteak aipatu ostean, litertauraren mundutik datorrena aztertuko dugu Leire Palaciosekin. Dani Lasa sukaldariarekin berriz Mugaritz jatetxean estreinatuko dituzten plater berriak aurkeztuko dizkizuegu. Eguerdian berriz, Maider La Callek eta Mikel Rotaetxek Londres eta Bruselasetik hamaika kontu eta albiste ekarriko digute.

10:00etatik 13:00etara, 'Amarauna' saioak kateatuko zaitu.