Giza kateari lotuta, igandeko 'Amarauna'

Gure Esku Dagok antolatutako giza kateari lotuko zaio igandeko 'Amarauna' saioa. Goiz osoan giza katea jarraituko duten lankide eta herritarrekin hitz egingo dugu, 12:00etatik aurrera bereziki, eta zuzenean emango dugu bertan zabalduko duten mezua.

Bestalde, Oikian egingo duten eskola txikien eguna nola datorren kontatuko dugu 10:00etan, bertako irakasle eta ikasleen ahotsean. BioBlitz, animalia espezieak behatzeko Donostiako Ametzagaina parkean egingo duten maratoia, nola joan den kontatuko dugu 10:30ean, eta eguraldi nahasi honen zergatia azaltzen saiatuko da Onintze Salazar meteorologoa. Harekin batera, Oslon bizi den Xabier Bilbao sartuko zaigu 11:30ean, han omen duten eta hemen falta dugun udako eguraldiaz hitz egiteko.

Larunbat eta igandero, 10:00etatik 13:00etara, 'Amarauna'.