Euskadi Irratia
Igandean
Jauzi egingo dugu 'Zubiak' saioan asteburuan
ERREDAKZIOA | G.U.
Igandean, 15:00etatik 16:00etara, Artzen Letona eta Alaia Martin gidariak eta Saioa Alkaiza kolaboratzailea jauzika ariko dira.
-
German Urteaga
Igande honetako 'Zubiak' saioan jauzi egingo dugu. 15:00etatik 16:00etara, Artzen Letona eta Alaia Martin gidariak eta Euskalerria Irratiko Saioa Alkaiza kolaboratzailea jauzika ibiliko dira, France Bleu Pays Basque Iparraldeko irrati kateak eta Euskadi Irratiak elkarlanean egiten duten saioan.
Hasteko, Zirika Zirkuseko Ainhoa Juaniz gorantz jauzi egiten ez dakien pailazoarekin egongo gara Irañetan. Gainera, German Urteaga beasaindarrarekin, genero identitateaz eta mutil transgeneroa dela ohartu zeneko jauziaz arituko gara. Bestalde, parkourraz hitz egingo dugu gonbidatu nagusiekin, Aritz Sevilla eta Asier Osmarekin. Oztopoak barik, aukerak ikusten dituzte. Indarrez Parkour eta Parkour Bilbao taldeetan dabiltza. Azkenik, Manex Erdozaintzi Etxart Kolegioko ikasleekin zaldi-jauziei buruz hitz egingo dugu.
Euskadi-Nafarroa-Akitania erakundearen diru-laguntzari esker zabaltzen dugu irrati-uhinetan 'Zubiak' saioa igande arratsaldero.
