Euskal Musikarik Onena, Gabon afaria girotzeko

Abesti guztien hitzak eitb.com webgunean egongo dira ikusgai eta baita saioa bere osotasunean ere, afalkideek beste ordutegi batean entzun nahi badute.Euskadi Irratiak saski-bete euskal kanta aukeratu du Gabon gaueko afaria girotzeko. Iparraldeko eta Hegoaldeko gabon kantak entzungo dira, aspaldikoak eta berriagoak, eta baita zenbait seaska kanta ere. Bi orduko saio berezia gaueko bederatzietatik hamaikak arte emitituko da.Eguberri egunez, errepikapena izango du arratsaldeko ordubietatik laurak arte. Aurten ere, Euskadi Irratiak eitb.com webgunean zintzilikatuko ditu irratsaio berezi honetan eskainiko diren kanta guztien letrak. Honenbestez, afalkideek eskueran izango dituzte abestien hitzak, gustokoenak entzun hala kantatu ahal izateko. Horrez gain, irratsaioa bere osotasunean ere zintzilikatuko da, nork bere aukerako ordutegian entzun ahal izan dezan.