Arkaitz Rodriguez, Sorturen idazkari nagusia, 'Faktoria'n

Arkaitz Rodriguez Sorturen idazkari nagusia elkarrizketatuko du Maite Artolak astearte honetako 'Faktoria'n. 09:00etarako egina dugu hitzordua berarekin. 

Aurrez, 08:30etatik aurrera batuko dira analisiaren mahaian Ainhoa Etxaide eta Nuria Lopez de Guereñu solaskideak.

Goizeko zortziak aurreko iritzi zutabea Amatiñorena izango da. Saioa amaitzeko, berriz, Kike Amonarrizekin hitz egingo dugu, Euskaltzaleen Topagunearen lehendakari berriarekin.

10:00etan ekingo dio magazinari Manu Etxezortuk. Hasteko, ikasturterako aholkuak emango dizkigu gurasoentzat eta ikasleentzat Ainhara De Miguel hezitzaileak. Ondoren, 'Diziplinetatik harantz' nazioarteko sinposioaz hitz egingo digu Mikel Landak, ICOMOSeko zuraren Nazioarteko Batzordeko lehendakari eta EHUko ikerlariak. 11:00etan, tokian tokiko esamoldeak izango dituzte hizketagai Xabier Amurizak, Nerea Ibarzabalek eta Karlos Cidek. 12:00etan, berriz, musika kontuak ekarriko dizkigu Amancay Gaztañagak, eta ‘Pio-ren istorioak’ proiektuaz hitz egingo digu Ainhoa Arrillagak.

07:00etatik 13:00etara, martxan izango da 'Faktoria'.