Euskadi Irratia
Larunbatean, 09:30ean
'@ Bildua'n Facebook-eko segurtasun zuloaz arituko dira
X.U.
Euskadi Irratia
Sare sozialak egin dituen azken aldaketen inguruan sortutako kezka eta zalantzei erantzuna emango diete Euskadi Irratian.
-
Akten asteko arazoak mintzagai '@ bildua'n
Facebook-eko segurtasuna izango dute hizpide aste honetako '@ Bildua' saioan. Josu Barandallak emango ditu azalpen guztiak eta entzuleek bidalitako galderei erantzuna emango die. Iradoki.net-eko lagunei esker, ordea, beste gai batzuk jorratuko dituzte. Aste honetan kioskoetan hainbeste ugaritu diren bildumak hartuko dituzte mintzagai Mikel Madinarekin.
Eta hori gutxi balitz, sareari errepasoa egingo diete irratsaioan, musikarik arrakastatsuenaren laguntzarekin, eta agur bat ere izango dute, Eneritz Iraolak agur esango baitio Euskadi Irratiko teknologia berrien txokoari.
Larunbatean, 09:30etik aurrera, Xabier Unanuek aurkeztuta, '@ Bildua', Euskadi Irratian.
