Euskal Herritik Etiopiara eta bueltan

Jada ezaguna duzue gurean Anjel Olaran apaiz kooperantea; Programa askotan izan dugu Ilargipean, eta gurekin konpartitu ditu bere 40 urtetako esperientzia Afrikan eta afrikarrekin; elkarlana, priektu berriak, justizia aldarrikapena, eta batipat, beharrak. Josu Jauregi geobiologoak, gure kolaboratzaile eta lagunak, 15 egun egin ditu Etiopian eta Anjelekin egon da. Beraz, bertatik ezagutu ditu hauek guztiak. Astearteko saioan, Anjelekin batera burutu eta gauzatu nahi duen proiektuaren berri ere emango digu. Asteartean, beraz: Euskal Herritik Etiopiara eta bueltan, 23 :15etatik aurrera, ‘Ilargipean’, Euskadi Irratian.