Euskadi Irratia
08:30ean
Iñigo Urkullu lehendakariari elkarrizketa, asteazken honetan, Euskadi Irratiko "Faktoria" albistegian
EITB Media
Iñaki Guridi kazetariak Lehendakaritzan egingo dio elkarrizketa Urkulluri, 08:30etik aurrera. Osasun larrialdia bertan behera geratu denetik lehendakariak eskainiko duen lehen elkarrizketa da.
-
Iñaki Guridi Euskadi Irratiko kazetaria. EITB Media
Asteazken honetan, otsailak 16, Iñigo Urkullu lehendakariari elkarrizketa egingo dio Iñaki Guridi kazetariak Euskadi Irratiko "Faktoria" albikstegian. 08:30etik aurrera jarraitu ahal izango da, zuzenean, Lehendakaritzatik.
Osasun larrialdia bertan behera geratu denetik Urkulluk eskainiko duen lehen elkarrizketa da hau. Aro berri bat ireki eta itxaropenerako mezuak ugaritu diren honetan, pilatutako erronkei aurre egin beharko diete orain Eusko Jaurlaritzak eta euskal gizarteak, eta horien guztien inguruan arituko dira lehendakariarekin.
Ondoren, elkarrizketan esandakoaren analisia egingo dute Euskadi Irratiko "Faktoria" albistegiko solasaldian, Nerea Azurmendi, Eneko Etxebarria eta Eneko Zarraoarekin.
Iñigo Urkullu lehendakariari elkarrizketa, asteazken honetan, 08:30ean, Euskadi Irratian.
