Laura Garrido, Euskadiko PPko idazkari nagusia, "Faktoria"n

Espainiako Alderdi Popularrak zuzendaritza batzorde nazionalaren bilera egin eta biharamunean, "Faktoria"n izango da Laura Garrido Euskadiko popularren idazkari nagusia. Alderdiko buruzagi nazional berria aukeratu behar duen kongresua prestatzen hastekoa denean, Euskadiko PPren iritzia eskatuko diogu Garridori. Pablo Casadok egungo idazkari nagusiak kargua utziko du baina, ez da nahikoa Isabel Diaz Ayuso Madrilgo Erkidegoko presidentearen hitzetan, bere anaiaren ikerketa sustatu dute guztien 'dimisioa' eskatu baitu. Bat egiten al du exijentzian Euskadiko alderdi popularrak?

Amaia Izko, Eneko Zarraoa eta Nerea Azurmendirekin aztertuko dugu aktualitateak utziko diguna eta ezinbestean begiratuko dugu Ukrainako gerran gertatzen ari denari. Hain zuzen, gaur eta bihar Europako Parlamentuak Ukrainak Europako Batasuneko kide izateko egin duen eskaria aztertzen ari dira. Zelensky Ukrainiako lehen ministroak parte hartu du astearteko saioan. Solasaldian Pernando Barrena EH Bilduko europarlamentaria izango dugu.

10:00etan ekingo dio magazinari Manu Etxezortuk. Hasteko, euskarazko irratigintzak 90 urte beteko ditu, lehen euskarazko esatari Ander Arzelusen biloba, Jon Andoni Zinkunegi, elkarrizketatuko dugu. Gainera, Paris 365 jantoki solidarioko erabiltzaileek eta antzezle profesionalek elkarrekin egindako "Aporofobia Stop" antzezlanaren berri emango digu Alazne Cienfuegos elkarteko kideak. Bestalde,Dubaitik Asgarthen itzulerako kontzertura datorren Julen Garcia ere ezagutguko dugu. Elkarrizketatu nagusia, berriz, Ainitze Otamendi izango da, Donostiako Udaleko parke eta lorategien arduraduna).

11:00etan, "Zientzia eta Pazientzia" tartea zabalduko dugu Eneko Axperekin eta Uxune Martinezekin, eta arte lapurretez ariko gara Itxaso Mendiluze arte komisarioarekin. Ukrainako gerra zineman islatuko dugu, eta Haritz Gallastegik Valencia-Athletic, kopako final aurrekoaren atarikoa egingo digu. Asier Arroita bidaiariak, berriz, Albaniara eramango gaitu.-