Euskadi Irratia
Euskadi Irratia
"Beste 40 Urtean" irratsaio berria gidatuko du Manu Etxezortuk ostegunetik aurrera
EITB Media
Euskadi Irratiaren 40. urteurrena aitzakiatzat hartuta, hamarkada hauetako protagonisten eta gertakizunen errepasoa egingo du saio berriak.
-
Manu Etxezortu Euskadi Irratiko kazetaria
Euskadi Irratiak azaroaren 23an 40 urte beteko dituela aitzakiatzat hartuta, irratsaio berri bat egingo du irailetik aurrera: "Beste 40 Urtean". Era guztietako protagonista eta gertakizunak errepasatuko ditu Manu Etxezortuk, gure gizarteak azken lau hamarkadatan izan duen eraldaketa aztertu, eta hurrengo 40 urteei begira jartzeko.
"Beste 40 Urtean" izango da Euskadi Irratiko denboraldi berriko nobedadeetako bat.
Joan den uztailaren 8an egun berezia izan zen Manu Etxezortu Euskadi Irratiko kazetariarentzat. "Faktoria" saioan azken eguna izan zen andoaindarrarentzat eta lan taldeko kide guztien omenaldia jaso zuen. Bi hamarkadatik gora eman ditu Euskadi Irratiko goizeko irratsaioaren gidaritzan, lehendabizi, albistegian, eta ondoren, magazinean.
¿@ManuEtxezortu-k azken eguna izan du gaur #Faktoria-n. Lan-taldeko kideek omenaldi goxoa egin diote, eta oso hunkituta utzi dute.
— Faktoria (@faktoriaEITB) July 8, 2022
¿ Amaia Eneterreaga eta @myarza93 lankideek Extreme taldearen “More than words” kanta moldatu dute. “Gora beti Manu Etxezortu”#gertu pic.twitter.com/CWT0uNHGPY
