Euskadi Irratia
Irailak 23, ostirala
Maddalen Iriarte EH Bilduren Eusko Legebiltzarreko bozeramailea, "Faktoria"n
EITB Media
08:30ean egingo dio elkarrizketa Iñaki Guridik. Gainera, Italian, hauteskundeen jarraipena egitera joan den Lander Eizagirre lankidearekin bat egingo dugu.
-
Maddalen iriarte
Politika orokorreko bilkuraren biharamunean etorriko da "Faktoria"ra Maddalen Iriarte, EH Bilduren Eusko Legebiltzarreko bozeramailea; Urkullu lehendakariak proposatutako herri akordioen inguruan galdetuko dio Iñaki Guridik, baita datorren urteko maiatzeko hauteskundeetako hautagaitzen inguruan ere. Azken egunetan argitaratu diren albisteen ondotik, argituko al du bera izango den Gipuzkoako Ahaldun Nagusi izateko koalizio abertzalearen hautagaia?
Solasaldian Jurdan Arretxe, Esti Linares eta Estitxu Garai hurbilduko dira mahai ingurura, eta Italiarekin zuzeneko konexioa egingo dugu. Bertan dago Lander Eizagirre lankidea igandeko hauteskundeak gertutik jarraitzeko. Botoa emateko bi egun falta dira, eta galdetuko diogu ea zein den italiarren sentipena eskuin muturreko hautagai Giorgia Melonik irabazi dezakeenaren aurrean.
Lekukoa Maider Segurolak hartuko du 10:00etan magazinari ekiteko.
