Euskadi Irratia
Irailak 28, asteazkena
Miren Larrion, "Faktoria"n
EITB Media
Gasteizko EH Bilduren bozeramaile ohiak komunikabide bati emandako lehen elkarrizketa eskaini dio Iñaki Guridiri, eta 08:30ean emango dugu.
-
Miren Larrion. Argazkia: EFE
Alderdikide baten identitatea baliatuta hainbat delitu egin izanagatik kondenatu zuten Miren Larrion Gasteizko EH Bilduren bozeramaile ohiak "Faktoria"ri eskaini dio komunikabide bati emandako lehen elkarrizketa. Urte eta erdi pasa da ordutik, eta etorkizunari aurre egiteko, etapa hura itxi nahi du bere testigantzarekin.
Zalantzarik gabe, 09:00etan hasiko den tertuliarako abiapuntu nagusia izango da. Iker Rioja, Iñaki Soto eta Josune Ariztondo gerturatuko dira solasaldiko mahaira, eta Larrionen elkarrizketaz harago, Auzitegi Gorenean asteazken honetan egingo den De Miguel auziaren berrikuspenaz, boto eskubidea 16 urtetik gorakoei aitortzearen inguruan edota Euskaraldiaz ze iritzi duten galdetuko diegu. Aritz Agirre etorriko da programaren amaieran aste honetako bere uztarekin: zer dago mendiko erreskateen atzean?
Lekukoa Maider Segurolak hartuko du 10:00etan, magazinari ekiteko.
