Astelehenean, "Faktoria"n: Nola ari zaio demografia eragiten enpresa munduari?

Demografiaren bilakaera ari da eragiten esku lan falta, eta enpresen arteko lehia. Amaia Zubizarreta IeTeameko giza baliabidetako arduraduna ariko zaigu aditu gisa "Faktoria"n, eta adibideak ere ekarriko ditugu, 08:30etik aurrera.

EITB DATA txosten berria zabalduko dugu, Aitziber Usabiagaren irakurketarekin (Ikei ikerketa etxekoa), eta Sergio Barreñaren analisiarekin (Mugikortasun aditua)

Solasaldian: Luix Barinagaerrementeria, Iñaki Galdos eta Begoña Sanzberro.

Museoei buruzko dokumentalen berri ere emango digu Iban del Campok.

Lekukoa Maider Segurolak hartuko du 10:00etan, magazinari ekiteko. Hasteko, Liburutegien nazioarteko egunari begira jarriko gara Nora Arbelbiderekin, Biarritzeko Mediatekako euskal sailaren eta tokiko sailaren arduradunarekin. Bai baina tartean, Leire Zugazua Gasteizko sindikoa izango dugu. Segidan, Aritz Otazu elkarrizketatuko dugu, Mintzoa argitaletxeko zuzendaria, aintzinako liburuen bilatzailea, editorea eta dokumentu tasatzailea.

Faktoria Lab tartean, Inma Hernaez ingeniariarekin hitz egingo dugum Aholab Signal Processing Laboratory ikerketa-laborategiko zuzendaria da, eta Eneko Axpe "Maisha" kolaboratzailea izango dugu. Lokalean, "Zaindu Tolosa" txakur gorotzen arazoari aurre egiteko kanpainaren berri emango digu Telmo Gartziarekin, Tolosako keletan dabilen hezitzailearekin.

Azkenik, gauza txikien handitasunaz ariko gara. Batetik, xilografiaz ariko gara Oihana Ugarte Iriarterekin, eta, jarraian, lantokia etxepean izateaz, beriz, Iñaki Carreterorekin, gauza txikiekin mundua aldatzea amets duen autoesplotatzaile espezialarekin. Adimen artifizialaren tartea ere izango dugu gepetorekin.