Euskadi Irratia
Martxoak 3 ostirala
Aitor Esteban, "Faktoria"n
EITB Media
Eusko Alderdi Jeltzaleak Madrilgo Diputatuen Kongresuan duen bozeramailea elkarrizketatuko ditugu 08:30ean.
-
Aitor Esteban
Aitor Esteban, Eusko Alderdi Jeltzaleak Madrilgo Diputatuen Kongresuan duen bozeramailea izango da ostiral honetan "Faktoria" albistegiko gonbidatu nagusia. 08:30etik aurrera elkarrizketatuko du Iñaki Guridik Bilboko estudioetan, eta galdetuko dio hauteskunde urte honetan Madrilen bizi den giro politikoaz edo Espainiako Gobernuarekin dituzten harremanen inguruan.
Aurrez, ordea, albistegian, Nerea Martinez Martxoak 3 elkarteko bozeramailea elkarrizketatuko du Guridik. Izan ere, ostiral honetan beteko da Gasteizko sarraskiaren 47.urteurrena, eta galdetuko diogu orduko biktimak gogoratzeko San Frantzisko elizan egin nahi den zentroaren inguruan euskal erakundeekin lortu duten akordioaz. 9:00ak jota gerturatuko dira analisi mahaira Hedoi Etxarte, Pilar Kaltzada eta Javier Arrieta, eta programaren amaieran Aritz Agirre espero dugu titularraren itzalean geratzen denarekin; oraingoan, museoetako artelanen bat bisitariren batek nahi gabe puskatzen badu horren kargu nor egiten den kontatuko digu.
Lekukoa Maider Segurolak hartuko du 10:00etan, magazinari ekiteko.
