Faktoria
Ostiralean
'Faktoria', Londresera begira
A.E.
Euskadi Irratia
Erresuma Batuko hiriburua eta han lehiatuko diren kirolarien senitartekoak nola dauden galdetuko dute Euskadi Irratiko goizeko magazinean.
-
Londres. Argazkia: EFE.
Joko olinpikoen eguna da ostirala, irekiera ekitaldi ofizialaren eguna, eta hara begira jarrita egingo du goizeko ibilia 'Faktoria' irratsaioak. Bertako lankideek emango dute prestaketa ekitaldien berri eta hara bidean dauden kirolarien senitartekoekin ere mintzatuko dira eguerdia baino lehen.
Ez da dena, ordea, kirola izango. Pedagogiaz ere arituko dira Arantxa Ugartetxearekin. Pedagogoa da Arantxa, Freireren jarraitzailea, eta gaur egun erretiratua dagoen arren, lezioa emango digu hezkuntzaz eta bere beste zaletasun handiaz: tarotaz.
Bestalde, 'Albiste Faktoria'n, Lourdes Auzmendi Eusko Jaurlaritzako Hizkuntza Politikarako sailburu ordea elkarrizketatuko dute goizeko 9etatik 9:30era bitartean.
