Udan Blai
Ostiralean
Norte Apache taldea zuzenean arituko da ‘Blai’ saioan
Euskadi Irratia
Euskal Herrian sortu diren rap eta Hip-hop taldeen errepasoa egingo du Iker Lauroba abeslariak. Eta tartean Norte Apache taldea gonbidatu dute ‘Blai’ saioan rapeatzera.
-
Norte Apache taldearen 'Quilombo' diskoaren azala.
Musika Hamabostaldiak kontzertu ugari ditu astebururako eta Peio Zabalak hitzegingo die horietaz.
Zugarramurdiko sorginek erabaki dute, San Juan gauean bakarrik ez, abuztuko ostiral gau denetan aterako direla herriko kaleetan. Ostirala izaki, ‘Blai’ saioan sorginak gonbidatu dituzte ‘Blai’tzera.
Bukatzeko helikopteroan igoko dira. Leitzako jaietan pilotu bikotea eskeintza egin dute: Leitza zerutik ikustea 60 euroren truke. ‘Blai’ saioa beraiekin igoko da.
Eta lehiaketa berria! Zuk zein kanturi aldatu diozu letra?
Umoreari ere tartea eginen diote ‘Blai’ saioan. Pagadikeriak, Mikel Pagadiren ranking onenak gogora ekarriz.
Eta gainera, zozketak, umorea, sariak…
'Udan Blai' saioa 12etan egunero Euskadi Irratian.
