Xakearen munduaz larunbateko 'Amarauna'n

Askoren ustez, sekulan Euskal Herrian izan dugun xake jokalaririk onena da Felix Izeta. Bere ibilbideari buruzko gogoeta egiteaz gain, gaur egungo xake munduaren inguruan solasean arituko dira berarekin larunbatean.

Horrez gain, soziologia eta futbola, Maitaldia dantza jaialdia, eta Kutxa Kultur Fest musika jaialdia izango dituzte hizpide. Londresen jokatzen ari diren Paralinpiar jokoetara ere gerturatzeko asmoa badute. Eta ohizko tarteak, moda aditua den Maite Eskarmendirekin, edo eta Euskadiko Filmategiko kidea den Ion Lopezekin. Hori guztia eta gehiago larunbateko Amaraunean.