Amarauna
Amarauna
Tablet bat zozketan eta sarrerak opari osteguneko Amaraunean
Joxean Goikoetxea eta Olatz Prat-ekin hitz egingo dute 'Kantuz topa' emanaldiaz eta Gabonak pasatzera etxera bueltatu diren 2 dantzari ere elkarrizketatuko dituzte: Jon Agirretxe eta Ane Anza.
Ostegunean, abenduaren 25ean, 10:00etan zabalduko ditu Amaraunak Euskadi Irratiko mikrofonoetako sareak zozketaz eta sarrerez beteta. Nexus 7 tablet bat zozketatuko dute programaren amaieran, beraz, adi entzun programa osoa, eta horretaz aparte larunbatean Donostian eskainiko den 'Kantuz topa' emanaldirako sarrerak ere banatuko dituzte. Emanaldian parte hartuko dute besteak beste Eñaut Elorrietak, Ainhoa Artetak, John Berkoutek, Joxean Goikoetxeak eta Olatz Prat-ek, eta azken bi horiek azalduko dituzte emanaldiaren nondik norakoak Amaraunean.
Horretaz aparte Gazteako Joseba Sakristan eta Ibon Fernandez-ekin urteko musika bilduma osatuko dute, eta Gabonak pasatzera etxera bueltatu diren 2 dantzari elkarrizketatuko dituzte. Jon Agirretxe Anberes bizi da eta Ane Anza Turinen.
Eta amaitzeko, Gabon egunak etxetik kanpo pasatu nahi dituztenentzat hainbat proposamen eskainiko dituzte.
