Musa izango dugu igandeko 'Amarauna' saioan

Igandean, musa izango dugu ahotan 'Amarauna' saioan.  Donostian nazioarteko txapelketa egingo dute, eta munduan barrena musean aritzen diren jatorri euskalduneko taldeek parte hartuko dute. Haiekin egin dugu hitzordua. Hari horri tiraka, musak gazteen artean etorkizunik ba ote duen ere galdetu diogu geure buruari.

Oiartzunen, bestalde, kanpaiak joko dituzte garai batean bezala, eta kanpai-jotzaileak emakumeak izango dira. Bisita gidatua egingo dute, eta gu hantxe izango gara.

Asteburuan zehar Araba Encounterrek eman duena ere jasoko dugu, eta, gainera, Txinako harresiaren azken berriak ere ezagutuko ditugu Txinan EiTBk duen berriemailearen eskutik.