Amarauna
Argazkilaritza
'Uste baino jende gehiagok ateratzen dizkie argazkiak hegazkinei'
Ander Vidal spotters-a gonbidatu dugu Amaraunera bere afizioari buruz hitz egiteko eta argazkilaritza mota honi buruzko xehetasunak ezagutzeko
-
23:13 min
Orain dela urte batzuk kazetaritza ikerketa bati esker jakin genuen CIAk hegazkinak erabiltzen zituela Al Qaedako presoak leku batetik bestera mugitzeko. Baina gaurkoan ez dugu kazetaritza ikerketa horri buruz hitz egin. Gaur hegazkin horien existentziaren berri eman zigun afizio bati buruz hitz egin dugu 'Amarauna' saioan. Spotters batek ateratako argazki bat garrantzitsua izan baitzen CIAko presoak mugitzeko hegazkinak erabiltzen zituela baieztatzeko.
Ander Vidal spotters-a gonbidatu dugu argazkilaritza mota honi buruz hitz egiteko. Bera basquespotting taldeko kide da eta Hondarribiko aireportuan ibiltzen da hegazkinei argazki ateratzen, eta kontatu digunez berarentzat pasio bat da hegazkinei argazkiak ateratzea, eta 'uste baino jende gehiagok ateratzen dizkie argazkiak hegazkinei', kontatu digu besteak beste.
