Amarauna
Emakumeak eta zientzia
Emakume zientzialarien ikerketa eta lanak eskaparateetan erakusgai
Maria Agirre | EITb Media
Elhuyarrek sustatuta, “Otsailaren 11 erakuslehioak” ekimena abian da hainbat herritan. Dendetako erakuslehioetan emakume zientzialarien lana ezagutzera ematea da helburua. Jone Uria matematikariaren berri, adibidez, Bilbo erdialdeko merkatarien elkartean ematen ari dira.
-
Jone Uria matematikariari eskaini dizkiote erakuslehio batzuk
14:42 min
Bilbo, tolosa, Ibarra, Villabona, Egoibar eta Donostiako 98 saltokitako erakuslehioetan, formula matematikoak, biologiarekin lotutako gaiak zein ingeniaritzarekin zerikusia dutenak ageri dira. Nazioartean, zein gurean, zientziaren alorrean ikertzen ari diren emakume zientzialarien papera eta garrantzia azpìmarratzea da helburua.
Jone Uria matematikariaren berri, Bilbo erdialdek merkatarien elkartearen egoitzan aurkitu dugu. Jorge Aio elkarte horretako gerenteak kontatu du nola jantzi duten eskaparatea. Formula matematikoak, ordenagailua eta Joneren irudia jarri dute. Jendearen arreta erakarri dutela esan du.
