Baipasa
GURE HARIA
Udazkeneko usainen bila
Eider Caceres | EITb Media
Eibarko Gaztainerre eguna hizpide, Lierni Ibargutxi-k udazkeneko astelehen arratsalde batek zeren usaina duen kontatu digu Hunky Dory Laboratory lurrin dendatik.
-
Maddalen Marzol, Lierni Ibargutxi eta Eva Chanton Hunky Dory Laboratoy lurrin dendan
37:58 min
"Baipasa"n udazkeneko usainen bila ibili gara. Guretzat, zalantzarik gabe, gaztaina erreen usaina du udazkeneko astelehen arratsaldeak; izan ere, gaur Gaztainerre eguna da, eta Antxon Gutierrez Arosa-k Eibarren ospatzen den egun berezi honetaz hitz egin digu.
Nutrizionista bat ere behar genuela iruditu zaigu, belaunaldiz belaunaldi horrenbeste jende elikatu duen gaztainari buruz hitz egiteko. Nahia Zeziaga, On Ekin-eko nutrizionista izan dugu gaur gure artean.
Udazkenean beste usain goxo batzuk ere aurkitu daitezke. Usainak 'dastatzera' joan da Lierni Ibargutxi lankidea Hunky Dory Laboratory lurrin dendara.
Gure Hariari amaiera emateko, Euskal Herritik Kortsikara salto egin dugu, eta bertan bizi den Joritz Larratzarekin batera, gaztaina-irinez egindako garagardoa ezagutu dugu.
