Baipasa
UDAKO PIKNIKA
Oliba eta tomateekin egindako madalenak
Gozogintzako proposamen bat gaurkoan Enara Parrak. Olibekin eta tomateekin egindako madalena gozoak piknikerako
-
Olibekin eta tomateekin egindako madalenak. Argazkia: EITB Media
11:10 min
Olibekin eta tomateekin ere madalenak egin daitezkeela argitu digu Enara Parrak. Gozogintzako errezeta proposatu digu gaurko saioan, hori ere bai piknikean sartu eta edozein momentutan mokadu batez jateko.
OSAGAIAK: 4 pertsonentzat (8 magdalena)
· 100 g irin integrala
· 5 g legamia lehorra
· 2 arrautza
· 65 ml oliba olioa
· 90 ml esne epela
· 45 g birrindutako gazta (parmesano adibidez)
· 100 g porrua, txiki-txiki eginda
· 40 g oliba beltzak, laminatan
· 35 g tomate-lehor, oliotan datozenak, txiki-txiki eginda
· Koilarakada 1 oliba olio
· Koilarakadatxo bat oregano lehorra
· Gatza eta piperbeltza
URRATSAK
- Labea berotu 180°C-tan, beroa goitik eta behetik.
- Madalenak egiteko metalezko molde bat olioarekin igurtzi.
- Jarri zartagin ertain bat berotzen oliba koilarakada batekin.
- Gehitu zartaginera porrua eta utzi poliki-poliki kozinatzen 5 minutuz.
- Bitartean, jarri irina ontzi haundi batean, arrautzak, legamia, oliba olioa eta esnearekin batera. Ondo nahastea komeni.
- Gehitu nahasketa honetara gazta, porrua, oliba beltzak, tomatea, organoa, gatza eta piperbeltz pixka bat. Ondo nahastu.
- Madalenaren zulo bakoitzera gehitu nahasketaren 2 koilarakada handi. Zuloa ia goraino betetzea komeni da
- Labera sartu 180°C-tan 20 minutuz.
- Labetik atera eta utzi hozten minutu batzuk, eta listo
- Beroak edo hotzak jan daitezke, ederrak daude.