Baipasa
GURE HARIA
Nondik dator?
Aloña Beraza Peña | EITB Media
Euskaraldiko aurtengo kantuaren letra hizpide hartuta, egunerokoan erabiltzen ditugun hitzen jatorriaren bila joan gara. Orsai, Marianito eta Inglesito hitzak nondik datozen ezagutu dugu "Baipasa"n.
-
Orsai, Marianitoa eta inglesitoa, nondik datoz?
35:10 min
Andoni Egaña bertsolariarekin aritu gara aurtengo euskaraldiko kantuaren letra aletzen hala baitio kantuak: "Esazu hitz bat eta sendatuko naiz".
Futbolean "orsai" hitza erabiltzen da askotan jokoz kanpoko jokaldi bat dagoenean. Nondik dator? Mikel Morrisek euskara ingelesezko hiztegia du sortua, eta berak azaldu digu gaizki entzundako "off side" hitzetik datorren esamoldea dela, honezkero gurean errotuta dagoena.
Vermutari Marianitoa esaten zaiola jakina da, Bilboko alde zaharrean sortutako edari alkoholdunari egiten zaio erreferentzia izen horrekin. Zergatik Marianito? Zein istorio dago izenaren atzen? Julen entzuleak kontatu digu, eta Jon Enalesek, Mungiako Mume tabernako arduradunak hitzaren erabilerari buruzko azalpenak eman dizkigu.
Donostian ere bada izen propioa duen gozo bat: Inglesitoa. Nolakoa da? Nondik dator izena? Javi Aramendiak, Aramendia gozo-dendaren sortzaileak kontatu digu.
