Albisteak
Asteazkenean
Roberto Uriarte (Podemos-Ahal Dugu), 'Faktoria'n
G.U.
Iñigo Alustizak Podemos-Ahal Dugu alderdiko idazkari nagusia elkarrizketatuko du 09:00etan. Bestalde, Manu Etxezortuk Usune Bravo diseinatzaile gaztearekin hitz egingo du.
Asteazkenean, Roberto Uriarte izago da gonbidatu nagusia. Podemos-Ahal Dugu alderdiaren idazkari nagusiarekin hitz egingo du Iñigo Alustizak 09:00etan. Bestalde, 11:00etan, Usune Bravo diseinatzaile gaztea elkarrizketatuko du Manu Etxezortuk.
08:00etan hasiko da saioa, Iñigo Alustizaren gidaritzapean. 08:30ean, Hedoi Etxarte, Mikel Aramendi eta Eguzki Urteaga izango dira solasaldian. 09:00etan, berriz, Roberto Uriarte Podemos-Ahal Dugu alderdiko idazkari nagusia elkarrizketatuko du Alustizak. Madrilgo zuzendaritzarekin dituzten desadostasunez galdetuko diote, baita gaurko prentsaurrekoa bertan behera uzteko arrazoiei buruz ere. 09:30ean, ekonomia hartuko dute ardatz, Adrian Zelaia adituarekin, eta, saioa amaitzeko, Maialen Lujanbioren sinadura izango da.
10:00etan, Manu Etxezortuk hartuko du lekukoa. Santi Leoneren asteroko tartearen ondoren, Elkarlan sariez arituko da Javier Bikandi. 10:30ean, Zaldibarren leuzemia duten haurrekin egin duten egutegiaz arituko da Amaia Artetxe, eta 11:00etan, Usune Bravorekin hitz egingo du Etxezortuk. Londresko moda eskola ospetsu batean ikastaroa egin duen disenatzaile gaztea Bilboko estudioan izango da.
11:30ean, neguko barazkiez hitz egingo du Nagore García de Vicuñak. 12:00etan, Gasteizko talde batek Perun topatu duen inken tenpluari buruzko xehetasunak emango ditu Iñigo Orue arkeologoak. Azkenik, 12:30ean, Imanol Ituiñoren magia tarte berezia zabalduko dute.
