AEBetako hauteskundeak eta Nekane Balluerka, 'Faktoria'n

AEBetako hauteskundeen egunean, hara begira egongo gara 'Faktoria' saioan. 'Albiste Faktoria'n euskal amerikanoen ahotsak entzungo ditugu; 'Faktoria magazina'k, aldiz, hemen, jendeak estatubatuarren hauteskundeez uste dutena jasoko du. Gainera, Nekane Balluerka EHUko errektoregaia elkarrizketatuko du Maite Artolak.

7:00etan hasiko da saioa eguneko albiste nagusien errepasoarekin. 8:00etan, Maite Artolak hartuko du 'Albiste Faktoria'ren gidaritza, eta Niko Cuenca ekonomilariaren azalpenak izango ditugu lehen-lehenik. AEBetako ekonomiari argazkia aterako dio. 8:30ean, solasaldian izango ditugu Joseba Arruti kazetaria, Laura Mintegi idazlea eta Mikel Aramendi analista, eta euskal amerikanoen iritziak entzungo ditugu.

9:00etan, berriz, Nekane Balluerka, EHUko errektoregaia elkarrizketatuko du Maite Artolak. 9:30etan, Igor Estankona euskal egileen eskubideen elkartearen, EKKIren, idazkaria izango dugu gonbidatu. Saioa amaitu aurretik, Eli Larrinagaren sinadura ere entzungo dugu.

10:00etan, Manu Etxezortuk hartuko du lekukoa, 'Faktoria Magazina' abiatzeko. Hasteko, kalean jendeari galdetuko diogu zer nolako garrantzia duten AEBetako hauteskundeen emaitzek munduko gainerako herritarrentzat. Ondoren, Fernan Garciarekin hitz egingo dugu Amets Nagusia-ri Bilboko konpartsei buruzko dokumentalari buruz. Kirol aurrerapenaren ondoren, 'Ekosfera'ren leihoa zabalduko du Jokin Aldazabalek, Mikel Velascoren laguntzaz, baso jardunaldiez hitz egiteko.

11:00etan, chron gaitza eta kolitis ultzerosoa dutenei komunetarako bidea errazteko 'Beharra daukat' kanpainak ekarri dituen onurak azalduko dizkigu Jone Argoitiak, Elkarteko presidente eta Chron gaitza duenak. 11:30ean, Carlos Cidekin eta Xabier Amurizarekin, eztabaida eragiten duen galdera jarriko dugu mahai gainean: etxepean zer duzu nahiago, taberna ala beilatokia? 12:00etan, berriz, 'Sukaldari Dema' izango dugu Pili Manterolarekin eta Igor Zalakainekin, eta idi isatsa prestatzeko bi errezeta aurkeztuko dizkigute.

7:00etatik 13:00era, martxan izango da 'Faktoria.