Julen Lopetegiri elkarrizketa, ostegunean, 'Faktoria'n

Julen Lopetegi, Espainiako futbol hautatzailea, izango da ostegun honetako 'Faktoria' saioko gonbidatu nagusia. Maite Artolak egingo dio elkarrizketa 9:30 aldera.

7:00etan hasiko da saioa eguneko albiste nagusien errepasoarekin. 8:00etan, Maite Artolak hartuko du albistegiaren gidaritza. 8:30ean, Bingen Zupiria, Iñaki Petxarroman eta Nerea Azurmendi kazetariak arituko dira aktualitate gaiei buruz solasean. 9:00etako albiste errepasoaren ostean, Ibon Sarasola hizkuntzalariak "gehiago" eta "handiagoa" hitzak izango ditu bere gomendioen ardatz. 9:30 aldera, berriz, Julen Lopetegiren elkarrizketa entzungo dugu.

10:00etatik 13:00era, berriz, Manu Etxezortuk hartuko du lekukoa, eta magazinak egingo du bidea. Goizari Idoia Torregaraik jarriko dio umero printza. 11:00etan, berriz, Mikel Chamizorekin George Gershwin konpositorearen biografia musikatua aurkeztuko digu. Esther Moyuaren liburu gomendioa ere jasoko dugu ordua amaitu aurretik.

12:00etan, gainera, Jon Gurrutxagari, DJ Bulli, elkarrizketa egingo diogu. Bere lema: 'Bakailaoa sagardotegietan bakarrik'.

7:00etatik 13:00era, martxan izango dugu 'Faktoria'.