Ramon Saizarbitoria eta Ibon Sarasola, astelehenean, 'Faktoria'n

Ramon Saizarbitoria eta Ibon Sarasola izango ditugu, astelehenean, 'Faktoria' saioko gonbidatu nagusiak. Gainera, Euskara para castellanoparlantes liburuaren egile Beatriz Hernandezekin hitz egingo dugu, eta SOS Arrazakeria elkartearen 'Urretxindorra' egitasmoa ezagutuko dugu.

07:00etan hasiko da saioa eguneko albiste nagusien errepasoarekin. 08:00etan, Maite Artolak hartuko du 'Albiste Faktoria'ren gidaritza, eta Niko Cuenca ekonomistarekin hitz egingo dugu Euriborraz. 08:30ean, solasaldian izango dira Iñaki Galdos, Martin Garitano eta Jesus Prieto.

09:00etan, Ibon Sarasolaren hizkuntza gomendioak entzungo ditugu, eta, jarraian, Ramon Saizarbitoriarekin ere hitz egingo dugu, Gipuzkoako Urrezko Domina dela eta. Saioa amaitu aurretik, gainera, Bernardo Atxagaren sinadura izango dugu.

10:00etan, 'Faktoria Magazina' jarriko du martxan Manu Etxezortuk. Hasteko, Beatriz Hernandezekin hitz egingo dugu kaleratu berri duen Euskara para castellanoparlantes liburuaz. Maysha izango dugu ondoren, eta, kirol aurrerapenaren ostean, Martin Gartziandia Gasteizko sindikoa arituko zaigu. 11:00etako ordua kirol solasaldiarekin hasiko da. Beñat Zarrabeitiak eta Andoni Urbistondok asteburuko kirol emaitzak eta gertakariak aztertuko dituzte. Jarraian, SOS Arrazakeria elkartearen 'Urretxindorra' mentoretza programa ezgautuko dugumaitane Arnoso SOS Arrakeria elkartearen presidentearekin eta Joanes Lamairinhas mentorearekin.

12:00etan, Ekogunearen leihoa zabalduko dugu Josune Muñozekin; emakume komikilariez ariko zaigu. Bestalde, errege opila eta gin tonica prestatzeko ikastaroen berri emango digute. Saioa amaitu aurretik, gainera, Tania Arriagaren showa ere izango dugu.

7:00etatik 13:00era, martxan izango dugu 'Faktoria'.