Sabin Juaristi Sareren bozeramailea, ostiralean, 'Faktoria'n

Sabin Juaristi, Sare ekimenaren bozeramailea, elkarrizketatuko dugu ostiral honetako 'Faktoria' saioan, presoen eskubideen alde larunbaterako Bilbon deitu duten manifestazioaren atarian. Gainera, Kontxi Aizarnarekin hitz egingo dugu, Imanol Urbietaren alargunarekin, alegia.

Saioa 07:00etan hasiko da, eguneko albiste nagusien errepasoarekin. 08:00etan, Maite Artolak hartuko du 'Albiste Faktoria'ren gidaritza. 08:30ean, solasaldian izango dira Maite Ubiria kazetaria, Felipe Juaristi kazetaria eta Iñaki Galdos analista politikoa. 09:00etan, Sabin Jauregi elkarrizketatuko dugu, Sare ekimenaren bozeramailea, larunbaterako deitu duten manifestazioaz galdetzeko. 09:30ean, Maider Alberdirekin arituko gara, EKA Euskadiko Kontsumitzaileen Alkarteko abokatuarekin. Izan ere, bihar onartuko du Espainiako Gobernuak zoru klausulen dirua berreskuratzeko protokoloa. Alberdik bere iritzia emango digu, eta EKAn maileguen gastuak berreskuratzeko lantzen ari diren erreklamazioaren berri emango digu. 09:45ean, Jon Sarasuaren tartea izango dugu.

10:00etan, Manu Etxezortuk hartuko du lekukoa. Lehen-lehenik, Mikel Gartziak eta Jurdan Arretxek asteko titularrak aztertuko dituzte. Kirol aurrerapena egin ondoren, Urdaibai Bird Center zentroarekin bat egingo dugu, Edorta Unamunorekin hitz egiteko.

11:00etan, Imanol Urbieta musikari eta irakasle zarauztar zendu berria izango dugu gogoan, haren emazte Kontxi Aizarnarekin. 11:30ean, Garbiñe Agiriano psikologoaren tartea zabalduko dugu, eta, jarraian, KALEKA Lekeitioko Nazioarteko Kale Antzerki Jaialdiaz jardungo dugu.

12:00etan, Nagore Telleriak asteburuan 'Amarauna' saioan izango dituzten eduki nagusien aurrerapena egingo digu. Gainera, Ane Muñozen zinema proposamena ere entzungo dugu, eta zinema karteldegiaren berri jasoko dugu.

07:00etatik 13:00etara arituko da lanean 'Faktoria'.