Nekane Balluerka EHUko errektorea, asteazkenean, 'Faktoria'n

Nekane Balluerka EHUko errektorearekin hitz egingo dugu, asteazkenean, 'Faktoria'n. Gainera, eskoletan islama euskaraz irakasten hasi diren lehen irakasleak izango ditugu: Romaesa Benslaiman eta Faouzia Ben Omar. Bestalde, Atenasko City Plaza hotel okupatuan errefuxiatuei laguntzen ibili den Patxi Gaztelumendi aktibista ere etorriko zaigu.

07:00etan hasiko da saioa eguneko albiste nagusien errepasoarekin. 08:00etan, Maite Artolak hartuko du gidaritza. 08:30ean, solasaldian izango dira Javier Diaz Noci, Hedoi Etxarte eta Eguzki Urteaga. 09:00etako albiste errepasoaren ostean, Nekane Balluerka elkarrizketatuko dugu. 09:30ean, ekonomia tartean, Mikel Navarrok, besteak beste, Innobasquek euskal enpresei buruz egin duen ikerketaren emaitzak izango ditu hizpide. 09:45ean, Koldo Almandozen zinema tartea izango dugu

10:00etan, Manu Etxezortuk hartuko du lekukoa. Hasteko, Atenasko City Plaza hotel okupatuan errefuxiatuei laguntzen aritu den Patxi Gaztelumendirekin hitz egingo dugu, baita Kiosera gatza, azukrea eta tea bidaltzeko lanean ari den Asier Perez Karkamo ere. Jarraian, Kattalin Minerren gogoeta entzungo dugu. Kirol aurrerapena izango dugu ondoren, eta, Juanjo San Miguel lankideak Irango egungo egoerari buruzko xehetasunak emango dizkigu gero.

11:00etan, eskoletan islama euskaraz irakasten hasi diren lehen irakasleak izango ditugu: Romaesa Benslaiman eta Faouzia Ben Omar. 11:30ean, Arantzazu Fernandezekin eta Amaia Nausiarekin berriketan arituko gara, arrazakeriaz.

12:00etan, 'Kanten tripak' atalaren baitan, beste kantu bat aletuko dugu: Etzakit taldearen 'Izar iheskorra'. Gainera, ileapainketako joera berriak ekarriko dizkigu Urretxuko HMotion ileapaindegiko Harkatz Barrerosek. Saioa amaitzeko, Imanol Ituiñoren irrati-magia izango dugu.

07:00etatik 13:00etara izango dugu martxan 'Faktoria'.