Umeen loaz ariko gara, asteazkenean, 'Faktoria'n

Umeen loaz ariko gara, asteazkenean, 'Faktoria'n. Cama familiar, noches felices liburua idatzi duen Jose Luis Segurak, eta gurean azalduko digu bere esperientzia. Bestalde, Kataluniak edari azukredunak zergapetzeko hartu duen bidea egokia den aztertuko dugu Bittor Rodriguez EHUko Farmazia Fakultateko nutrizio irakaslearen laguntzarekin. Gainera, Yaiza Txakartegi moda diseinatzailea etorriko zaigu bere proiektuen berri ematera, eta Urtz 'Kaixo' kantuaren barrenak ezagutuko ditugu.

07:00etan hasiko da saioa, eguneko albiste nagusien errepasoarekin. 08:00etan, Maite Artolak hartuko du gidaritza. 08:30ean, aktualitateak dakartzanen errepasoa egingo dugu Javier Arrieta, Eguzki Urteaga eta Hedoi Etxarte solaskideekin. Politika arlokoez gain, 09:00etatik aurrera, Kataluniak edari azukredunak zergapetzeko hartu duen bidea egokia den aztertuko dugu Bittor Rodriguez EHUko Farmazia Fakultateko nutrizio irakaslearen laguntzarekin. 09:30ean, ekonomia tartean, Beatriz Plaza izango dugu. 09:45ean, Koldo Almandozen zinema tartea izango dugu.

10:00etan, Manu Etxezortuk hartuko du lekukoa. Hasteko, Yaiza Txakartegi moda diseinatzailearen proiektua ezagutuko dugu. Jarraian, Kattalin Minerren gogoeta entzungo dugu. Kirol aurrerapena izango dugu ondoren, eta Juanjo San Miguel lankideak Libiaz hitz egingo digu.

11:00etan, Cama familiar, noches felices liburua ezagutuko dugu Jose Luis Segura egilearekin. 11:30ean, ama izan berri den Edurne Pasabanekin hitz egingo dugu. Ondoren, Arantzazu Fernandezekin berriketan arituko gara.

12:00etan, Urtz taldearen 'Kaixo' kanta aletuko dugu. Saioa amaitzeko, zineman ikusgai diren filmen berri emango dugu, eta Imanol Ituiñoren irrati bidezko magia izango dugu.

07:00etatik 13:00etara izango dugu martxan 'Faktoria'.