Eurovisioni eta Ikergazteri begiratuko diegu, ostiralean, 'Faktoria'n

Eurovision jaialdiari eta Ikergazte kongresuari begira egongo gara ostiral honetako 'Faktoria' saioan. UEUren Ikergazte kongresuan, Elin Jones galestarra ezagutuko dugu. Eurovision jaialdira bosgarren aldiz jarraian joan den Aitor Belastegi legazpiarrarekin ere hitz egingo dugu.

Saioa 07:00etan hasiko da, eguneko albiste nagusien errepasoarekin. 08:00etan, Maite Artolak hartuko du 'Albiste Faktoria'ren gidaritza, eta 08:30ean, solasean arituko dira Felipe Juaristi, Martin Garitano eta Javier Diaz Noci. 09:30 aldera, alkateen solasaldia izango dugu. Igotz Lopez Zamudioko alkatea, Eneko Etxeberria Azpeitikoa eta Mikel Serrano Zumarragakoa batuko ditugu bihar. Gainera, Idurre Bideguren Bermeoko alkatearen hitzak ere jasoko ditugu, datorren astean hastekoa den sutearen kalte-ordainei lotutako epaiketaren atariko.

10:00etan, Manu Etxezortuk hartuko du lekukoa. Hasteko, Mikel Gartziak eta Jurdan Arretxek asteko titularrak aztertuko dituzte. Kirol aurrerapena egin ondoren, Urdaibai Bird Center zentroarekin bat egingo dugu, Edorta Unamunorekin hitz egiteko.

11:00etan, UEUren Ikergazte kongresura joko dugu Aitor Perez lankidearekin, eta Elin Jones galestarra ezagutuko dugu. 11:30ean, Garbiñe Agiriano psikologoaren tartea zabalduko dugu, nerabeak eta drogak hizpide hartzeko. Gainera, Opus Liricaren 'Errauskine'z hitz egingo dugu Ainhoa Garmendiarekin.

12:00etan, Eurovision jaialdira joana den Aitor Belastegi legazpiarrarekin ariko gara. Gainera, Ane Muñozen zinemarako proposamena entzungo dugu, eta zinema-aretoetan ikusgai izango diren lanen berri ere jasoko dugu.

07:00etatik 13:00etara arituko da lanean 'Faktoria'.